Paolo Miruzzi

Maestro Paolo Miruzzi laħaq wara s-Surmast Emmanuele Bartoli, li kien l-assistent tiegħu. Huwa kien surmast bejn l-1885 u l-1888. Paolo Miruzzi kien mill-Belt u kien bandsman fuq l-HMS Doris fejn dam fin-Navy sa Diċembru 1883.  Sfortunatement inħakem minn marda terminali u miet qasir il-għomor fl-età ta’ 36 sena. Miet Għawdex peress li l-aħħar sena u nofs kien qattagħhom hemmhekk bħala konvalixxenza. Il-funeral tiegħu telaq mill-isptar sal-knisja Katidrali, bit-tebut jintrefa’ fuq l-ispallejn minn erba’ bandisti tal-banda tas-Società Filarmonica Nazionale La Valette u tnejn oħra tal-banda tas-Soċjetà Filarmonika Leone A.D. 1863. Skond il-ġurnal Malta il-mewt tiegħu kienet fis-16 ta’ Mejju 1888.