Laqgħa Ġenerali Annwali 2020-2021

Nhar is-Sibt 17 ta’ Lulju 2021 saret il-Laqgħa Ġenerali Annwali fis-Sede tas-Società Filarmonica Nazionale La Valette. Waqt din il-laqgħa nqara r-rapport ta’ ħidma mis-Segretarju, u r-rapport finanzjarju mill-kaxxier. Diskors ieħor sar mill-Viċi President, fejn elenka d-diversi proġetti li l-kumitat tad-direzzjoni ser ikun qed iħares lejhom u jwettaq fis-snin li ġejjin. Wara s-Segretarju tal-Kummissjoni Elettorali stqarr li kawża tal-fatt li nominazzjonijiet għall-kumitat kien hemm 11, sal-ħin li għalqu, għalhekk il-kumitat ġie magħqud awtomatikament. Fl-aħħar sar ukoll messaġġ mill-President u rringrazzja lil dawk preżenti.